خواطري…
( حلوي المولد )
بقلم الكاتب
محمد عباس
الاسماعيلية
مولد والحلوي غاليه
وكل عام بتزيد
وناس في دنيا تانيه
مع كل طلعه عيد
**********
صراع مع ناس و عايشه
ومافيش تجديد امور
علي نصف كيلو حلاوه
في كلام بين السطور
******************
لوكل واحد فينا
نظر لطفل وحيد
يتيم وذوي الهمم
نظرة بدون تشديد
*****************
حق الناس الفقيرة
في رقبة مين ومين
او اسرة مات عائلها
وكلامنا في الصميم
******************
ايه معني وجود تنظيم
مافيش في جيبه مليم
ورجال اطفال حريم
محتاجه لبس العيد
****************
تحلم بحلم جديد
والدنيا حلوة زينة
لو بينا قلب حميد
شريان جنب الوريد
*****************
يبص بعين حكيم
ودموع في كل ناحيه
من جاني ومين حليم
وعيون نايمة وصاحية
******************
ولاعاد حتي مهية
و اللحمة شيء عظيم
ماهيه دي القضية ؟؟؟
اوضاع قاسية وغيم
*****************
عايزين بنا تكافل
مش عين حاسدة وهموم
ونصون معني الاواصر
ونسيب سوء الظنون
****************
مع حق لقمة عيش
مساواة بين العموم
من كل هدمة نضيفه
بشر تحت الحموم
****************
مين ساعتها هيعرف
عاش بائس مات جعان
حياتنا تبقي صحوة
مع كل صوت اذان
***************
نجيب احلي حلاوي
وبدون ماتدفع كام
هي الروح والمحبة
نفوسنا تبقي تمام
*************
علف وحزمة عيش
ونص كيلو امان
شوربه وجبنه قريش
طابورنا كان زمان
*************
في الدنيا فته شيش
منصوبه في الميدان
وناس ظروفها مافيش
كارثة تعيش غفلان
****************
بين البشر حرافيش
بتخبط علي البيبان
ثائر وكان هادي
بيفرق ع الناس حنان
***************
بعض النفوس دراويش
تنشد طرب ومعان
بلبل وطير شادي
الحان في كل مكان
****************
عزوة يارب تعيش
طبع الفقير شبعان
راضي بدون تحويش
ونفوس عفيفة عنان
Post Views: 503
التالي
منذ ساعتين
ننشر لكم أسعار العملات الأجنبية والعربية اليوم الإثنين الموافق 6-5-2024م
منذ ساعتين
كورال طيبة الغنائى يبهر الحاضرين خلال مشاركته فى مسابقة وزارة التعليم العالي
منذ ساعتين
ننشر لكم أسعار بيع وشراء الذهب اليوم الإثنين
منذ 10 ساعات
من أجل ابنائى من سلسلة نساء بلا مأوي
منذ 22 ساعة
ننشر لكم أسعار العملات الأجنبية والعربية اليوم الأحد
زر الذهاب إلى الأعلى
Don`t copy text!