بعترف لك
بقلم ماجدة البهيدي
بعترف لك يا سيادة
أيوه كنت خيال مأته
كان بيستنزف مشاعري
للأسف من غير شماتة
كان عشانه بعيش له عمري
كان بيجري جوه دمي
بس يا خسارة ده باعني
بعد ما كان كل همي
كان بيبعد عني يمكن
و ساعات لمشاعره يركن
كنت اعدي وأقول سامحته
وأما يرجع أقول لا يمكن
إنه يغدر بيا تاني
مستحيل بعد م جاني
ده حبيبي مهما يعمل
رغم إنه كتير أزاني
أصل كان وأخدها عادة
واحدة واحدة وبهوادة
أنه يخنق في اللي بنا
و خلاه طعم حياتي سادة
وأرجع أفرد في الأماني
وعشمانة يرجع لي تاني
لما كان يسمع أغاني
كنت فاكره إنه علشاني
أيوه يمكن كنت هبلة
وعايشة عاملة فيها عبلة
كنت كل حالاته قبله
وراضية من اول مقبلة
بس صدقني يا هذا
حبي له ما عد له عازة
حتى قلبي كمان دفنته
ويلا نحضر الجنازة
17/3/2024
بقلم
#ماجدة_البهيدي
Post Views: 202
التالي
منذ يوم واحد
اول استوديو لتعليم اليابانيين الرقصات والفنون الشعبية المصرية
منذ يومين
رئيس الوزراء يبدأ جولة تفقدية بعدد من المشروعات الصناعية والتكنولوجية ببني سويف
منذ يومين
( اغنية ) مش حبيبي
منذ يومين
مواقع التواصل الاجتماعي سلاح ذو حدين
منذ يومين
هل تعلم لماذا يصوم المسلمين التسع الأوائل من ذي الحجة
زر الذهاب إلى الأعلى
Don`t copy text!