يـا شمس حبِّي
الشاعر / محمد منصور
يــــا شمس حبِّي مـــا تغيبي ‘ ونــــــــوَّري قلـب حبيبي
إن غاب عليا مـا عمري أنساه‘هو كــــل شـوقي ولهيبي
طول عمري وانا دايب ف هواه‘من صغـر سنِّي لمشيبي
وان قلت مــــرة ف يوم ال آه ‘ هــــــو دوايـــــا وطبيبي
يا شمس يا منوَّرة عمري‘دا حبيب حياتي روحي وقدري
إن غاب عليَّا يــزيد قهري ‘ هو نجم دربي ونوري قمري
دا بعاده نــــار وبتكويني ‘ ف كل وقتي طــوال دهـــري
في القــرب منُّه هنا روحي ‘ هـــــــو منايــــــا ونصيبي
يــا شمس يــا منـوَّرة طلِّي ‘ حبيبـــي دا وردي وفُـــــلِّي
بقينا روح واحــدة ف جسدين ‘ هـــو بعض منِّي وكـــلِّي
اتمنَّى أكـــون ديماً ويّــــــَاه ‘ وأدعــــــو ربِّي وحسيبي
يا شمس يا منوَّرة ف الكون‘حبيته هــــو يانـــاس بجنون
من كتر حسنه بقيت مفتون‘دا حبيبي غــالي وقلبه حنون
برموش عينيا وقلبـي اخفيه ‘ دا حياتي كالــــدُّر المكنون
وحبُّه جــــــوَّايا بيجــــري ‘ بقى في دمِّــي وتـــــركيبي
يا شمس يـا منـوَّرة بساتين‘دا الحــب يسعد كـــلِّ حـزين
أنا وحبيبي م الهـوى دايبين‘وم الهوى يـــاما داب ملايين
هو هيامي وكــــلّ أيــامي ‘عشقنا بعض سنيــن وسنيــن
دا حبُّه نسَّاني أشجــــاني ‘ هــــو ننّ عيني وقــــــــريبي
بقلمي الشاعر / محمد منصور
Post Views: 520
التالي
منذ 40 دقيقة
فيصل الدليمي يوضح مقومات النجاح لشركة Swax
منذ 8 ساعات
مدير ادارة العاشر التعليمية يرصد سير امتحانات النقل والشهادة الإعدادية
منذ 8 ساعات
فى صالون د.صديق عفيفى : وزير الصناعة الأسبق يتحدث الصناعة والإستثمار فى مصر
منذ 10 ساعات
تشييع جثامين الرئيس الإيرانى الراحل إبراهيم رئيسى ومرافقيه
منذ 21 ساعة
ميراث شرعي من سلسلة نساء بلا مأوي
زر الذهاب إلى الأعلى
Don`t copy text!