لو تعرفي
كتب إبراهيم عيسى
لو تعرفي اد ايه وحشاني
ومن غيرك تعبان وبعاني
لو تعرفي أن الدنيا من غيرك
بقت صعبه وبقت وجعاني
كل ما افتكر نظره من نظراتك
ولا همسه من همساتك
واه علي كلمه من كلماتك
بتبقي الدنيا مش سيعاني
ومن غيرك أنا تعبان وبعاني
نفسي تبقي سمعاني
وتعرفي اني كلماتي
ليكي مش لحد تاني
لو تعرفي
ان الدنيا في وجودك بحسها
في نظراتك وكمان في وردودك
لما بتبقي ادامي بفتكر
كل كلامك ووعودك
وبتوه وبعيش في دنيا تانيه
وبتمني اتقيد بقيودك
غيابك عني نار
بحس بمرارته كأنه تار
ليه مش حاسه أنه صعب
ليه مش حاسه أنه عار
اعمل ايه علشان اشوفك
اضرب الودع ولا اعملك زار
لو تعرفي
انك ماليه عليا حياتي
وبدور عليكي في
ايامي وليلاتي
ومهما تغيبي عني
هالاقيكي في كلماتي
بسمع صوتك سواء
بتكلمي أو في وقت سكاتي
صوتك عندي لحن
بسمعه في نغماتي
والوجع لو في يوم قرب
منك بحسه في اهاتي
وحشتيني ايوه وحشتيني
بحسها في تنهداتي
Post Views: 377
التالي
منذ 15 ساعة
طلاب حقوق قنا حصدوا المركز الأول في مسابقة عباقرة جامعة جنوب الوادي
منذ 15 ساعة
وزير العمل في إحتفالية عيد العمال بحضور الرئيس السيسي
منذ 15 ساعة
ابن من ابناء مصرحفيد من أحفاد الفراعنة العظماء خبير اقتصاد عالمي
منذ 21 ساعة
إنعقاد المؤتمر العلمى لأقسام معهد طيبة العالى للهندسة
منذ يومين
تغريم طبيبة ألف جنيه أزعجت طليقها عبر واتس آب في قنا
زر الذهاب إلى الأعلى
Don`t copy text!