متزعليش
بقلم / مايسة إمام
لسه ناوي تقول……. سلام
وتخلص ………بينا الكلام
تختصر.. ……كل المشاعر
في مكالمة ……..أو رسالة
أو فديوكول…… قبل ماأنام
لسه عاوز ….تحبس قلبي
……………..جوه شاشة ؟!
وتجمد…….. كام نبضه حيه
فالشاشة تجيلها …هشاشه
وتقول لي….. بلاش الملام
متزعليش …..
متزعليش لو جم قالوا لك
إن طيرك……. فرد جناحه
عدى خلاص بره الحدود
و بدل الصباح… صباحه
حتى لو شمسك…. بتغرب
ادعي واطلبي……. رباحه
اصحي مع الفجر وقوليله
يافجر طببله…….. جراحه
طبطب عليه واهديه. …..
اصله غريب ضل ف براحه
وتقول كمان …….متزعليش
لما مشوفش في السما قمرك
لما أقولك ………..أنا كبرت
ومعدش خلاص.. الأمر أمرك
لازم أعدي …….البحر وحدي
حتى لو……….. زودت جمرك
متتكلميش …….. متتألميش
حتى لو صبحت …….. صورة
جوه إطار ……….بالمازورة.
متلوميش …….علي خالص
متقوليش متطمرش.. خالص
اعمل ايه…. ..ودا حال زماني
حاجات كتير… بقت ضرورة
فمتلوميش
متزعليش
لماآجي على وجعك ……وأدوس
لما اخطف حلم عمرك بالخصوص
لما أقول يالا نفسي بين النفوس
واجري زيي…………….. زي غيري
وأستابق كل……………. الوحوش
هاجي فــ يوم… عشان أصالحك
وأوطي على راسك……. وأبوس
آسفه
اسفه سامحني……..ياحلم ضايع
جمعت فيه…………… كل الودايع
قلبي صحيح ……عمره مايدعي
بس مش هقدر …………أبايع
مش هقدر ……….أحسبها زيك
وتبقى بضاعة…….. مــ البضايع
مش هقدر أقول………… خلاص
واخلعك مني …………..هنازع
كل اللي هأقدر أقوله……………
دعوة وربي……. هو اللي سامع
Post Views: 1٬640
التالي
منذ 12 ساعة
رئيس الوزراء يبدأ جولة تفقدية بعدد من المشروعات الصناعية والتكنولوجية ببني سويف
منذ 17 ساعة
( اغنية ) مش حبيبي
منذ 17 ساعة
مواقع التواصل الاجتماعي سلاح ذو حدين
منذ 18 ساعة
هل تعلم لماذا يصوم المسلمين التسع الأوائل من ذي الحجة
منذ 18 ساعة
العلاج الطبيعي بعد العمليات الجراحية
زر الذهاب إلى الأعلى
Don`t copy text!