الفنان مجدي سعيد وحوار من القلب يحدثنا عن سر غيابه وأمنياته في 2021

كنت بمشي الناس تقول الولد بتاع نادية الجندي أهوة كانوا حتي مَش عارفين إسمي

من حسن حظي إن أنا إشتغلت مع العمالقة إشتغلت مع الأستاذ صلاح أبو سيف و أستاذ عاطف الطيب

سر إختفائي عن الشاشة ، طبعاً بسبب نوعية الأدوار والاعمال اللي بتقدم دلوقتي

إعداد: مروة سامي / حوار: دعاء سنبل

مجدي سعيد فنان موهوب لم يأخذ حقه على قدر مايمتلك من موهبة، عشق الفن منذ نعومة اظافره، وبدأ حياته الفنية في منتصف الثمانينات وأدي العديد من الأدوار الثانوية في السينما والمسرح والتلفزيون

ومنها أفلام “أولاد الأصول و “جزيرة الشيطان” و ” بخيت وعديلة “، “الكداب”،و”إمرأة واحدة لاتكفي” ،و”ضد الحكومة” ،و”حسن اللول”، ومسرحية “حمري جمري”

بدايةً كيف بدأت مشوارك الفني؟

بالنسبة لبدايتي الفنية أنا بدأت في سن صغير كانت والدتي ناظرة مدرسة وانا كنت في خامسة إبتدائي ، كنت في مشترك في مسرحية للأطفال عن الإدخار ، كنت عامل دور بياع سميد ، وكانو أيامها بيكونوه برامج الأطفال ، في التلفيزيون، التلفزيون لسه بيبدأ كان الكلام ده في السيتينات. وكانت ماما سميحة وحسين فياض المعد بيلفوه علي المدارس يختاروه أطفال ، فأنا أختاروني وطبعا روحت لقيت مجموعة كبيرة من النجوم. كلهم الحمدلله زاي هاني شاكر وبوسي ونورا، وصفيناز قدري وعلوية قدري وممدوح عبدالعليم ياعني معظمهم كانوه نجوم. وفيه ناس طبعا إختفت وأخدت كارير ثاني خالص حد إسمه مصطفي رشوان كان عامل صبي الحب بيعاكس سعاد حسني وجمال إمام بتاع الضحية والرحيل

متى اكتشفت نفسك فى موهبة التمثيل وكيف اكتشفت ذلك؟

طبعا بدأت بقي في سن صغير جداً كان عندي تقريباً عشر سنين واتعلقت بالموضوع واكتشفت اننا جوايا حاجه وبحب الفن رغم أننا لعبت كورة وانا طفل بس متعلقتش بالكورة اوووي اتعلقت بالتمثيل وطبعا بطلع في التلفزيون وكان حاجة جديدة جدا وطبعا الناس كطفل بيتعلقوا بيه وانا بتعلق بيهم ياعني حاجه جديدة عليه وانا حسيت ان انا مميز عن كل الأطفال إلا في سني .

من وجهة نظرك مين عليه العبء الأكبر في نجاح العمل؟ الممثل ولا المخرج؟

بالنسبة للعمل الفني عمل متكامل مَش المخرج ولا الممثل ولا المؤلف هو عمل متكامل ثلاث أضلاع تأليف وتمثيل وإخراج المؤلف بيكتب ورق وله رؤية والمخرج بيحقق الرؤية بيتفق عليها مع المؤلف والممثل عليه يجسد الكلام ده لو ضلع من الثلاثة وقع اعتقد العمل مينجحشي بالنجاح الكافي ياعني إيه الفايده إني أنا أبقي ممثل كويس في ورق وحش أو مخرج مَش كويس أو مخرج كويس جايب كاست وحش إصحابه أي جمايل او مؤلف كتب ورق المفروض ميتعملشي أو إتعمل قبل كده والرؤية بتاعته متكرره ياعني لازم زاوية جديدة ياخد منها الشغل فهو ده العمل الفني ثلاث أضلاع تأليف تمثيل إخراج .

طبعا الأمثلة كثير جداً لو شوفتي الأعمال إلا نجحت وعاشت مع الناس هاتلاقي إن الكاست كل واحد في دوره المخرج مخرج الورق مكتوب حلو بشكل جيد جداً وتسكين الممثل في الأدوار ده 50%من النجاح مجبشي ممثل بعيد عن الشخصيه او ميعرفشي يعملها ممكن يبقي ممثل كويس لكن ميقدرشي يعمل الشخصية ديه مَش شرط ممكن يبقي كمان نجم بس الدور مَش بتاعه فاتحسي إنك بره الحكاية وبره الموضوع وياخد العمل كله ويسافر .

قمت بالوقوف أمام فنانين مختلفين منهم شباب صاعدين ومنهم عملاقة سواء تمثيل واخراج مين أكتر حد وقفت قدامه وساعدك وتتمنى تشتغل معاه تانى؟

بالنسبة ليه الا انا إشتغلت معاهم من القدام و الجداد طبعا الجيل القديم ده أنا كنت محظوظ طبعاً إن أنا شوفت معظمهم وإشتغلت مع معظمهم أتذكر منهم أستاذ شكري سرحان. وأستاذ رشدي أباظة شوفته الأستاذ حسن يوسف. كان معايا في السعودية السنه إلا فاتت كنا بنعمل مسرحية تاليف الأستاذ أحمد الإبياري وإنتاجه فكنت بقول ياعني كثير أوي معظمهم امينه رزق ومحمود المليجي وعبد الحليم حافظ. قعدت معاه مرتين و ماهر العطار وبليغ حمدي رغم إن أنا مَش مطرب ياعني .

طبعا انا من حسن حظي إن أنا إشتغلت مع العمالقة إشتغلت مع الأستاذ صلاح أبو سيف و أستاذ عاطف الطيب وأستاذ نيازي مصطفي وأستاذ نادر جلال الحقيقه كل واحد كان ليه رؤية. وكل واحد كان بيساعدني وكل واحد كان متحمس ليه جداً ربنا يرحم بقي إلا يرحمه بس طبعا ده من سوءحظي عاطف الطيب طبعا الله يرحمه.

عملت معاه ضد الحكومة وعملت معاه أنذار بالطاعة ونيازي مصطفي عملت معاه القرداتي كان مديني فرصة كويسة اوي بطولة فاروق الفيشاوي وسمية وأنا وأستاذ نادر جلال طبعا الله يرحمه. حد جميل جداً جداً جداً. وقدمت معاه سبع أو ثمن أفلام بردوه منهم أفلام نادية الجندي كلها وكان متحمسلي جداً الله يرحمه ويحسن إليه أستاذ صلاح أبو سيف أول واحد وقفت قدام كاميرة السينما قدامه في فيلم الكداب بطولة محمود ياسين وميرفت أمين وشويكار ومجموعه كبيرة جداً جداً ده بالنسبه للمخرجين.

بالنسبة للممثلين معتقدشي ، أنا وقفت مع ناظر مدرسة التمثيل . أحمد ذكي في ثلاث أفلام حسن ، اللول وضد الحكومة كنت عامل محمود أبو الوفي . صحفي المعارضة ، أحمد كان يحب الممثل الجامد بيقولك ، التمثيل اخد وعطي . الفعل بيبقي ليه رد فعل ، قوي الممثل الضعيف مبيحبوش . فا أحمد أنا كنت ببقي واثق ،من نفسي هو ،كان بيبقي حابب . أنه يمثل معايا كان ،بيتفاجئ بيه في اللوكيشن مكانشي . بيساعدني ياعني هو إتفاجئ إن ،مجدي الا عامل الدور في حسن اللول. إتفاجئ وضد الحكومه كان بردوا. مع عاطف الطيب، إتقابلت معاه فيه ، وإمراة واحده لاتكفي مع إيناس الدغيدي فا أحمد ذكي، كان ممثل قوي فهو ناظر مدرسة. التمثيل الواقعية والتقمس وحكاية كبيرة . لكن مبيساعدشي حد ،هو بيهتم بشخصيته وبيبقي متقمس الشخصية.

ايه سر أختفائك عن الشاشة؟

سر إختفائي عن الشاشة ، طبعاً بسبب نوعية الأدوار والاعمال اللي بتقدم دلوقتي أنا عندي ، تحفظات كبيرة جداً عليها، وتاني حاجة هي شركة واحدة اللي بتنتج . طبعا هي سينرجي وتامر مرسي، وانا مليش تواصل معاهم .اللي بسمعه إن عمرنا ماممكن نتفق بالنسبة للأجور.انا شبعت تمثيل مع العمالقة دلوقتي. انا أشتغل هما كسبانين مشتغلشي هما،اللي خسرانين أنا بتعامل كدة مَش انا لو ممثلتش أموت أصلا هايبجبولي الناس ديه منين ثاني أقف قدمها.

من وجهة نظرك السوشيال ميديا بتفيد الفنان وتقربه الفنان من جمهوره ولا هيا بتضر الفنان ولماذا؟

أعتقد إن السوشيال ميديا بتفيد الفنان، بس انا مليش فيها هي تسويق فيه ناس مسوقه. نفسها كويس أوي، وموهبتهم ضعيفه أوي أو قليلة. أو مَش بالحجم الا عاملين لنفسهم بيه الأله ديه. لكن انا طول عمري مبحبهاش هما يكتبوه عني اوك ميكتبوش خلاص. مفيش مشكلة بالنسبالي، شغلي هو دعايتي، ياعني كل أعمالي الحمدلله، حققت فيها نجاحات.

ايه العمل اللى بعد ماعملته حسيت ان الناس عرفتك وبيقوا لما يشوفك في الشارع ينادوا عليك؟

الناس عرفتني منها حمري جمري ، المجنون ياعني كنت مَش عارف امشي في الشارع . و الكاميرة الخفية مع إبراهيم نصر اول سنه كانت مصر كلها بتنده تقول يا”عاطف” أفلامي مع نادية الجندي. كنت بمشي الناس تقول الولد بتاع نادية الجندي أهوة كانوا حتي مَش عارفين إسمي . كان أول مابدأت بردوه بعد برامج الأطفال، برنامج إسمه حياتي . كانت بتقدمه الأستاذة فايزه واصف. كنت بمشي في الشارع يقولوه الواد بتاع المشاكل أهوة. فالحمدلله كل شغلي كان واصل للناس، أي عمل بعمله لإني حسبه كويس اوووي.

2020 بما انها اوشكت على الانتهاء؟ ايه الحلو فيها بالنسبة لك وايه الوحش اللى قبلك فيها؟ وايه امنيتك لعام 2021؟

2020محدش قال عليها إنها كويسه اتمني إن 2021تبقي أحسن إن شاء الله، عليناوعلي الامه الإسلامية وعلي العالم العربي والعالم كله جميعا. واتمنى الفن يزدهر ويبقي فيه حاجة تستحق،المشاهدة أعمال علي مستوي زي إلا إحنا شفناها . أم كلثوم ورأفت الهجان وليالي الحلمية. حاجات كثير أوي. أوي معلمه مع الناس لغاية دلوقتي. كل الابيتقدم ده مصطفي.قد بعد سنتين ثلاثه. مَش هايتشاف أعتقد كده أتمني حالة فنية احسن وحالة إنسانيةللعالم كله إنسانية علي مستوي العالم تكون في سلام وسعادة وخير وهنا .

Post Views: 2٬307

الوسوم