بنكابر ليه ؟

مِتحاوطه ضلوعي بأحضانِك
وخلق لي هواكي قلب جديد
قلب مايعرفش الا يحبِّك
شرايينه حَواري توصَّل لِك
وهواكي عنيد
اختزل العالم فى حدودِك
مرهون الكون لاجل وجودِك
وسعيد الكون
ونجوم السما خُدَّام عَندِك
وشموسها شرف تبقى عَبيدِك
وبرغم الشوك اللي فى وردك
وبرغم المُر اللي فى عَسلِك
الدنيا بدونك بلا معنَى
أو طعم ولون
بنكابر ليه لو بنحبِّك
وبنهرب منِّك جُوَّاكي
أرواحنا مخلوقه فداكي
خلينا نقولها بصوت عالي
لعيونك ببلاش الغالي
بنحبِّك؟!
طبعًا بنحبِّك…
…………………..
فاطمة المرسي