عاجلمقالات الرأى

اسرار التقارب بين تركيا وقطر وتواجد روسيا فى سوريا

اسرار التقارب بين تركيا وقطر وتواجد روسيا فى سوريا

بقلم النائبة السايقة : نوسيلة ابو العمر

ليه قطر بتمول تركيا وواقفة فى ضهرها بكل قوة وبتكره مصر كره العمى ؟
اكبر مصادر الطاقة فى أوربا من الغاز إتنين روسيا وقطر
قطر فكرت انها تعمل انبوب يمر من العراق لسوريا لتركيا وتغذي اوروبا وكده هيكون الغاز ارخص واسرع علشان نقله على السفن اغلى وابطأ
المشروع ده تم اقتراحه من قبل قطر عام 2009
( خد بالك بكده تكون تركيا عندها محبس الحنفية بتاع الغاز ده ) وكمان اوربا عايزة تستغنى عن غاز روسيا علشان ميبقاش صباعها تحت ضرس روسيا

فبوتين قطع السكة عليهم وقعد لهم فى سوريا علشان الانبوب ده ميعديش
تفهم من كده ان روسيا مش بتساعد سوريا علشان خاطر عيون الاسد ولكن حماية لمصالحهم وخصوصا ان اقتصاد روسيا ٦٠ % منه قائم على تصدير الطاقة
ده مش كده وبس
ده كمان مصر دخلت فى اللعبة بسبب طوفان الغاز المكتشف في مصر اللى ظهر فجأه و اللى مكانش على البال ولا على النية فأربك كل الحسابات
وطبعا غاز مصر أقرب وارخص واسرع وده هيفلس قطر حرفيا
مش كده وبس

ده مصر قالت لاوربا وكمان هديكوا كهرباء وابني محطات كهرباء عملاقة من اكبر محطات الكهرباء فى العالم بتوع سيمنز بجانب المحطة النووية اللى لسة بتتعامل وده اللي مخلي اوربا بتتكلم بلسانك وبتقف فضهرك زي فرنسا وايطاليا والمانيا
لو انتوا فاكرين فى المؤتمر الاقتصادي قال هييجي الوقت اللي اوربا هي اللي هتتكلم وهتدافع عن مصالحنا وحصل وبيحصل
هييجي واحد ويقولي
الله طب وروسيا ليه متدخلتش وحاربتك زي ما حاربت الخط بتاع قطر ؟
علشان مصر مش هتيجي على حصة روسيا
لأ وكمان دخلت شريك فى حقل ظهر العملاق من الجزء المخصص لشركة اينى المكتشفة للحقل
إنما احنا هناخد كل حصة قطر
علشان كده قطر بتكرهك مووت وبتتمنى زوال مصر من الوجود لانها هتشحت حرفيا لو انت صدرت بكامل طاقتك الغاز لاوروبا
طبعا انت اقرب وغازك أرخص وكمان معاهم كهرباء

فمصر بقت حرفيا مركز الطاقة لأوربا بعد ما مصر لمت كل الغاز اللى فى المنطقة علشان يتسيل ويتصدر من عندنا وده هيكتمل فى ٢٠٢٥ وده اللى مخللى اردوغان يجيله صرع لما يسمع كلمة مصر
قطر بقى هتموت وتنهي المشروع ده لانه مسألة حياه أو موت بالنسبه لها
طب ازاي هي بتدعم تركيا بكل ما اوتيت بقوه علشان تركيا تعمل قلق فى البحر المتوسط وميحصلش كل ده او يكون لتركيا وقطر نصيب فى التورتة الكبيرة بتاع الغاز دى
لكن مصر قالت لهم نجوم السما اقرب لكم
وكمان قطر حاولت وبتحاول تقلبلك النظام الداخلي بشوية المخنثين اللى مرميين فى قطر وتركيا وكمان بتحاربك من كل الإتجاهات علشان متكونش فاضي وتكمل مشروع الربط الكهربائي ولا الغاز
وبالمناسبة مشروع الربط الكهربائي بينك وبين اوربا هيمر عن طريق ليبيا
فهمت بقى ليه ليبيا ؟
وفهمت ليه فرنسا وايطاليا والمانيا في ضهرك ؟
قطر مش بتكره مصر وبس

قطر بالنسبه لها وجود مصر مسألة حياه او موت لانها حرفيا هتشحت بعد ما مصر تسيطر على إمدادات الغاز لأوربا
وفهمت ليه كان لازم تسلح جيشك تسليح هجومى متطور ؟
علشان يكون فى ضهرك فى يوم من الأيام لو اى حد قل ادبه على مصر او طمع فى ثروات الدولة المصرية
الكاتبة عضو سابق بمجلس النواب المصرى

مقالات ذات صلة

زر الذهاب إلى الأعلى
Don`t copy text!