عاجلمقالات الرأىمنوعات

الإعلامي أحمد سالم: البطاطس في إنهيار والشركات والمطاعم لم تخفض الأسعار

الإعلامي أحمد سالم: البطاطس في إنهيار والشركات والمطاعم لم تخفض الأسعار

الإعلامي أحمد سالم: البطاطس في إنهيار والشركات والمصانع لم تخفض الأسعار
أحمد سالم

دعاء سنبل

كتب الإعلامي الكبير أحمد سالم عبر حسابه الشخصي على موقع التواصل الإجتماعي فيس بوك:

محصول البطاطس شهد انهيار سعري غير مسبوق وصل بالكيلو جملة لنص جنيه يعني اقل من تلت تكلفته و ده خرب بيت المزارعين واضطروا يرموها علف للبهايم رغم الارتفاع الجنوني لاسعار تقاويها،

ورغم كدة المستهلك بيشتريها ب٣ جنيه وشركات البطاطس المصنعة والمقرمشة مانزلتش مليم من سعرها اللهم الا شوية عروض هزيلة ده غير انها وقفت استلام الكميات المتعاقدة عليها مع المزارعين بسبب الكورونا واغلاق المطاعم،

لغاية امتي المزارع هايفضل يشقي و يطفح الدم ويخسر في الآخر؟؟؟

ولغاية امتي المستهلك هايفضل زي الاطرش في الزفة وبيشتري اللي قدامه وهو ساكت ؟؟؟؟ 

ليه مفيش مرونة في التسعير الا في حالة الصعود فقط؟؟؟

ليه مفيش مطعم عمل راقي او شعبي عمل عرض ان ساندوتش البطاطس بجنيه زي زمان وكان زمان الشعب عاشله يومين؟؟؟

وليه مانحققش للفلاح حد ادني من الربح وفقا لمعادلة التكلفة الفعلية عشان يقدر يستمر بعد كدة و مايغرقش في الديون؟؟

ليه مانضمنش للمستهلك الاستفادة الكاملة في حالة هبوط الأسعار ولو لفترات مؤقتة؟؟

انا عارف ومقدر ان الدولة عايزة تحافظ علي معدل التضخم و مستويات الأسعار وده انجاز هايل ،

 بس ده ماينفعش يبقي علي حساب افلاس قطاعات كاملة زي الدواجن واللحوم الحمراء والاسمنت والحديد والبناء واخيرا البطاطس…..

مقالات ذات صلة

زر الذهاب إلى الأعلى
Don`t copy text!